ಕೇಳು ಓ ಮನಸ್ಸೇ... Kannada Sad Kavana - Kelu o Manase Poetry in Kannada

          ಮುರಿದ ಮನಸ್ಸಲ್ಲಿ ಹೇಳಿಕೊಳ್ಳಲಾಗದಷ್ಟು ಮಾತುಗಳು ಮೌನವಾಗಿ ಚುಚ್ಚುತ್ತಿರುತ್ತವೆ. ಮುರಿದ ಮನಸ್ಸು ಸಹ ಒಂದು ರೀತಿಯ ಅಂಗವೈಕಲ್ಯವೇ ಸರಿ. ಇಷ್ಟಪಟ್ಟವರನ್ನು ಕಷ್ಟಪಟ್ಟು ಮರೆಯುವುದು ಸುಲಭದ ಮಾತಲ್ಲ. ಆದರೆ ಅದು ಅಸಾಧ್ಯವಲ್ಲ. ಮುರಿದ ಮನಸ್ಸುಗಳಿಗೆ ಸಾಂತ್ವನ ಹೇಳಲು ಈ ಚಿಕ್ಕ ಕವನ....

ಓ ಮನಸ್ಸೇ, ಮೋಸಹೋದ ಮನಸ್ಸೇ

ಇದೇನು ನಿನ್ನ ಹೊಸದಾದ ವರಸೆ?

ನಿನಗಿಲ್ಲವೇ ನಿನ್ನ ಮೇಲೆ ಭರವಸೆ?

ಯಾಕೆ ಬರಡಾಯ್ತು ನಿನ್ನ ಕನಸ್ಸುಗಳ ಕಿಸೆ?

ಓ ಮನಸ್ಸೇ, ನೀ ಕಾಣುವುದು ಬರೀ ಕನಸೇ?

ಮರೆಯಲೇಬೇಕು ನೀ ಅವಳಿಂದಾದ ಜಿಗುಪ್ಸೆ.

ನೋವಿಗೆ ಹೆದರಿ ಹೋಗದಿರು ವಲಸೆ

ಯೋಗ್ಯತೆ ಪ್ರಶ್ನಿಸಿದವಳಿಂದ 

ಪಡೆಯಬೇಕು ನೀ ಪ್ರಶಂಸೆ...

ಓ ಮನಸ್ಸೇ, ನಿನ್ನದು ಬರೀ ಸರ್ಕಸ್ಸೇ?

ಯಾವಾಗ ನಾಂದಿ ಹಾಡುತ್ತೆ ನಿನ್ನ ಈ ಸಮಸ್ಯೆ?

ಸಿಗದವಳ ಪ್ರೀತಿ ನಿನಗೊಂದು ವರ್ಚಸ್ಸೇ?

ಕೆಚ್ಚದೆಯಿಂದ ಬೀಡು ನಿನ್ನ ಸಪ್ತ ವ್ಯಸೆ

ಓ ಮನಸ್ಸೇ, ಅವಳಾಗಲ್ಲ 

ನಿನ್ನ ಮನೆಮನದ ಸದಸ್ಯೆ, 

ಕಣ್ಣೀರಿನ ಶಾಖಕ್ಕೆ ಕೆನ್ನೆ ಬಿಸಿಯಾದರೂ 

ಮಣ್ಣಾಗಲಿಲ್ಲವೇ ನಿನ್ನ ಮೀಸೆ ?

ಯಾಕೆ ಬೇಕು ನಿನಗೆ ವಿರಹದ ವೀರಗಾಸೆ?

ದೂರಾದವಳನ್ನು ಮರೆತು

 ಮುಗಿಸು ನಿನ್ನ ಅಮವಾಸ್ಯೆ........