ಚಂದ್ರಬಿಂಬದಲ್ಲಿ ಪ್ರೇಮಕಹಾನಿ : Kannada Love Poem - ಕನ್ನಡ ಲವ್ ಕವನಗಳು - Director Satishkumar in Kannada - Stories, Ebooks, Love Stories, Kannada Kavanagalu, Kannada Quotes

ಚಂದ್ರಬಿಂಬದಲ್ಲಿ ಪ್ರೇಮಕಹಾನಿ : Kannada Love Poem - ಕನ್ನಡ ಲವ್ ಕವನಗಳು

ಚಂದ್ರಬಿಂಬದಲ್ಲಿ ಪ್ರೇಮಕಹಾನಿ : Kannada Love Poem

ಪಾಡ್ಯದ ಚಂದ್ರ ಪರನಂತೆ ಕಂಡಾಗ
ಎವೆಯಿಕ್ಕದೆ ಅವಳನ್ನು ಕಂಡೆ...
ಬಿದಿಗೆ ಚಂದ್ರ ಬೀದಿಯಲ್ಲಿ ಬಿದ್ದಾಗ
ಅವಳ ಸ್ನೇಹ ಬಯಸಿದೆ....

ತದಿಗೆ ಚಂದ್ರ ಶರದಿ ಸೇರಿದಾಗ
ಸ್ನೇಹದ ಪರಿಧಿ ಭರದಿ ಸಾಗಿದೆ...
ಚತುರ್ಥಿ ಚಂದ್ರ ಚಾಮರ ಸೂಸಿದಾಗ
ಪ್ರೇಮದಲೆಯ ಆಸರೆ ಅರಸಿದೆ....

ಪಂಚಮಿ ಚಂದ್ರ ಪಂಚಾಮೃತ ನೀಡಿದಾಗ
ನಾನವಳ ಪ್ರೀತಿಯಲ್ಲಿ ಬಿದ್ದೆ...
ಷಷ್ಠಿ ಚಂದ್ರ ಶುಭಮಸ್ತು ಎಂದಾಗ
ಪ್ರೀತಿ ಹೇಳಲು ಒದ್ದಾಡಿದೆ...

ಸಪ್ತಮಿ ಚಂದ್ರ ಸಾರಥಿಯಾದಾಗ
ನಾನವಳ ಹೃದಯದೆಡೆಗೆ ಸವಾರಿ ಮಾಡಿದೆ...
ಅಷ್ಟಮಿ ಚಂದ್ರ ಅಗ್ಗಿಷ್ಟಿಕೆ ನೀಡಿದಾಗ
ಅವಳ ಮನದಲ್ಲಿ ಪ್ರೀತಿಜ್ಯೋತಿ ಬೆಳಗಿದೆ...

ನವಮಿ ಚಂದ್ರ ನಗುಬೀರಿದಾಗ
ನನ್ನ ಅಶ್ರುಧಾರೆಯ ನಿಲ್ಲಿಸಿದಳಾಕೆ...
ದಶಮಿ ಚಂದ್ರ ದಶಾವತಾರ ತೋರಿದಾಗ
ನನ್ನ ಜೀವನಕ್ಕೆ ಕಾಲಿಟ್ಟಳಾಕೆ...

ಏಕಾದಶ ಚಂದ್ರ ಏಕಾಂತ ಸೂಸಿದಾಗ,
ಅವಳು ನನ್ನ ಪ್ರೀತಿಗೆ ಆತಂಕ ನೀಡಿದ್ದೇಕೆ?
ದ್ವಾದಶ ಚಂದ್ರ ದಿಢೀರನೆ ಅತ್ತಾಗ, 
ನನ್ನನ್ನು ನಡು ನೀರಿನಲ್ಲಿ ಮುಳುಗಿಸಿದಳಾಕೆ...

ತ್ರಯೋದಶ ಚಂದ್ರ ಚಾರಿತ್ರ್ಯ ಬೋಧಿಸಿದಾಗ,
ಅವಳ ಚರಿತ್ರೆ ಮರೆಯಲು ಪ್ರಯತ್ನಿಸಿದೆ....
ಚತುರ್ಧಶ ಚಂದ್ರ ಬೆಳದಿಂಗಳ ಹುಣ್ಣಿಮೆ ಎಂದಾಗ
ಅವಳು ಕೊಟ್ಟ ಅಮವಾಸ್ಯೆಯನ್ನು ಮರೆತೆ....

ಚಂದ್ರಬಿಂಬದಲ್ಲಿ ಪ್ರೇಮಕಹಾನಿ : Kannada Love Poem - ಕನ್ನಡ ಲವ್ ಕವನಗಳು ಚಂದ್ರಬಿಂಬದಲ್ಲಿ ಪ್ರೇಮಕಹಾನಿ : Kannada Love Poem - ಕನ್ನಡ ಲವ್ ಕವನಗಳು Reviewed by Director Satishkumar on November 06, 2017 Rating: 4.5
Powered by Blogger.
close
skkkannada.com