ನಾನ್ಯಾರು ಎಂಬುದನ್ನು ಅರಿಯದಾಗಿರುವೆನು,
ನನಗೇನು ಕೆಲ್ಸವೆಂಬುದನ್ನು ತಿಳಿಯದಾಗಿರವೇನು,
ಅನ್ಯರು ಅಳಿದರೂ ಪರವಾಗಿಲ್ಲ, ನಾ ಮಾತ್ರ
ಉಳಿದರೆ ಸಾಕೆನ್ನುತ್ತಿರುವೆನು...
ಪರಿಶ್ರಮದಿಂದ ಮೇಲೆ ಬರುವವರನ್ನು
ತುಳಿಯಲು ಪ್ರಯತ್ನಿಸುತ್ತಿರುವೆನು,
ಹೆತ್ತವಳನ್ನು ಬೀದಿಗೆ ಎಸೆದಿರುವೆನು,
ಹೊತ್ತವಳನ್ನು ಕಸದಂತೆ ಕಾಣುತ್ತಿರುವೆನು...
ಮುತ್ತು ಕೊಡುವವಳು ಬಂದಾಗ
ತುತ್ತು ಕೊಟ್ಟವಳನ್ನು ಮರೆಯುವೆನು,
ಅಡ್ಡದಾರಿಗೆಳೆಯುವವಳು ಸಿಕ್ಕಾಗ
ಕೈ ಹಿಡಿದವಳನ್ನೇ ಬಿಟ್ಟು ಬಿಡುವೆನು...
ನಿಸರ್ಗ ದೇವತೆಗೆ ಅತ್ಯಾಚಾರವೆಸಗಿ
ಅಟ್ಟಹಾಸದಿಂದ ಮೆರೆಯುತ್ತಿರುವೆನು,
ನನಗ್ಯಾರು ಹೇಳುವ ಕೇಳುವವರಿಲ್ಲದೇ
ನಾನೇ ಶ್ರೇಷ್ಠವೆಂದು ಬಿಗುತ್ತಿರುವೆನು...
ಇತರರ ಸಂತಸಕ್ಕೆ ಕಾರಣವಾಗದೆ
ಎಲ್ಲರ ದು:ಖಕ್ಕೆ ಕಾರಣವಾಗುತ್ತಿರುವೆನು.
ಸತ್ಯ, ಧರ್ಮ, ನ್ಯಾಯ ನೀತಿಯನ್ನೆಲ್ಲ ಮರೆತು
ಅನ್ಯಾಯದ ದಾರಿಯಲ್ಲಿ ಸಾಗುತ್ತಿರುವೆನು...
ಮನೆಗೆ ಉಪಕಾರಿಯಾದರೆ ಏನಾಯಿತು?
ದೇಶಕ್ಕೆ ದೊಡ್ಡ ಮಾರಿ ನಾನು.
ದೇಶಪ್ರೇಮವನ್ನು ಸ್ವಾರ್ಥಕ್ಕಾಗಿ ಕೊಂದಿರುವೆನು.
ನನಗ್ಯಾರು ಸರಿದಾರಿ ತೋರಿಸುವವರು ಇಲ್ಲವೇನು?
ನನ್ನನ್ನು ನೀವು ನೋಡಬೇಕೆಂದರೆ
ಕನ್ನಡಿಯಲ್ಲೊಮ್ಮೆ ನಿಮ್ಮ ಮುಖವನ್ನು
ಕನ್ನಡಿಯಲ್ಲೊಮ್ಮೆ ನಿಮ್ಮ ಮುಖವನ್ನು
ತಪ್ಪದೇ ನೋಡಿಕೊಳ್ಳಿ ಸಾಕು.
ನಾನು ಸಹ ನಿಮ್ಮಂಥೇ ಮಾನವನ
ರೂಪದಲ್ಲಿರುವ ನರರಾಕ್ಷಸ...