ಗೆಲುವನ್ನು ಬುನಾದಿಯಾಗಿ ಉಳಿಸು
ಸೋಲು ಗೆಲುವನ್ನು ಸಮನಾಗಿ ಅನುಭವಿಸು
ನಗುನಗುತ್ತಾ ನೀ ಜೀವನವಾ ಸಾಗಿಸು...
ಸತತ ಪರಿಶ್ರಮವೇ ಗೆಲುವಿನ ಗುಟ್ಟು
ಪ್ರಯತ್ನವಿರದ ಆಲಸ್ಯವೇ ಸೋಲಿನ ಹುಟ್ಟು
ಪ್ರಯತ್ನಗಳಿಂದ ಎದೆಬಾಗಿಲನ್ನು ತಟ್ಟು
ಆತ್ಮವಿಶ್ವಾಸದಿಂದ ಸೋಲನ್ನು ಹಿಮ್ಮೆಟ್ಟು...
ಸೋತವನಿಗೆ ಗೆಲ್ಲುವ ಛಲಬೇಕು
ಗೆದ್ದವನ ಕಾಲು ನೆಲ ತಾಗಿರಬೇಕು
ಸೋತವನಿಗೆ ಸಹನೆ ಬೇಕು
ಗೆದ್ದವನಿಗೆ ಸಂಯಮ ಇರಬೇಕು...
ಸೋತ ಮನಸ್ಸಿಗೆ ತಾನೇ
ಗೆಲ್ಲುವ ಛಲವಿರುವುದು?
ಗೆಲ್ಲದ ಮನಸ್ಸಿಗೆ ತಾನೇ
ಸೋಲುವ ಭಯ ಕಾಡುವುದು...?
ಸೋತ ಮನಸ್ಸು ಗೆಲ್ಲಲೇಬೇಕು.
ಗೆದ್ದ ಮನಸ್ಸು ಒಮ್ಮೆಯಾದರೂ,
ಯಾರಿಗಾದರೂ ಸೋಲಲೇಬೇಕು
ಇದು ವಿಧಿ ನಿಯಮ ತಾನೇ...?