ನಿನಗೆ ನೆನಪಿದೆಯಾ? Sad Love Poetry in Kannada - Love kavana - Kavanagalu - Feeling kavana

ಮೊದಲ ಸಲ ನಮ್ಮಿಬರ ಕಣ್ಣುಗಳು ಮಿಲನವಾದಾಗ ನೀನು ನಾಚಿಕೊಂಡಿದ್ದು, ನನ್ನ ಮೊದಲ ನೋಟ ನಲುಮೆಯಾದಾಗ ನೀನು ನಕ್ಕಿದ್ದು, ನಮ್ಮ ಸ್ನೇಹ ಸಲುಗೆಯಾಗಿ ನೀನು ಸಿಕ್ಕಸಿಕ್ಕಲ್ಲೆಲ್ಲ ಸ್ಮೈಲ್ ಕೊಟ್ಟಿದ್ದು ನೆನಪಿದೆಯಾ?

ಪರಿಚಯವಿಲ್ಲದಿದ್ದರೂ ಫೇಸ್ಬುಕಲ್ಲಿ ಚಾಟ್ ಮಾಡಿದ್ದು, ವಾಟ್ಸಾಪಲ್ಲಿ ವಿಚಿತ್ರ ಇಮೋಜಿಗಳನ್ನು ಶೇರ ಮಾಡಿದ್ದು, ಅವಶ್ಯಕತೆ ಇಲ್ಲದಿದ್ದರೂ ಹಠ ಮಾಡಿ ಮೊಬೈಲ್ ನಂಬರ್ ಪಡೆದುಕೊಂಡಿದ್ದು, ನಿದ್ರೆಬಾರದೇ ಮಧ್ಯರಾತ್ರಿ ಮಿಸ್ಡಕಾಲ್ ಮಾಡಿದ್ದು, ಕಾರಣವಿಲ್ಲದೆ ಗಂಟೆಗಟ್ಟಲೇ ಮಾತಾಡಿದ್ದು, ಸಾವಿರಾರು ಪ್ರೇಮ ಸಂದೇಶಗಳನ್ನು ಕಳಿಸಿದ್ದು ನೆನಪಿದೆಯಾ? 

ಕದ್ದುಮುಚ್ಚಿ ಕೈಕೈ ಹಿಡಿದು ಊರ ಸುತ್ತಿದ್ದು, ಬರ್ಥಡೇಗೆ ಸರ್ಪರೈಜ ಗಿಫ್ಟಗಳನ್ನು ಕೊಟ್ಟಿದ್ದು, ಸಣ್ಣಪುಟ್ಟ ಕಾರಣಗಳಿಗೆ ಕಿತ್ತಾಡಿ  ಕ್ಯಾಂಡಲ್ ಲೈಟ್ ಡಿನ್ನರಲ್ಲಿ ಮತ್ತೆ ಒಂದಾಗಿದ್ದು ನೆನಪಿದೆಯಾ?

ಚಿಟ್ಟೆಗಳನ್ನು ನಾಚಿಸುವಂತೆ ಫ್ಲೈಯಿಂಗ್ ಕಿಸಗಳನ್ನು ಕೊಟ್ಟಿದ್ದು, ನನ್ನನ್ನು ನಿನ್ನ ಮಡಿಲಲ್ಲಿ ಮಲಗಿಸಿಕೊಂಡು ಮುದ್ದು ಮಾಡಿದ್ದು, ಸೆಲ್ಫಿ ನೆಪದಲ್ಲಿ ಸಮೀಪಕ್ಕೆ ಸೆಳೆದುಕೊಂಡಿದ್ದು, ಪೆದ್ದುಪೆದ್ದಾಗಿ ಆಡಿ ಮುದ್ದು ಮಾಡಿದ್ದು ನಿನಗೆ ನೆನಪಿದೆಯಾ?

ನಾನು ಎಡವಿದಾಗ ನಿನಗೆ ನೋವಾಗಿದ್ದು, ನಿನಗೆ ನೆಗಡಿಯಾದಾಗ ನಾನು ಸೀನಿದ್ದು ನೆನಪಿದೆಯಾ? ನೀನು ಕೊನೆಯ ಸಲ ನನ್ನನ್ನು ಮುದ್ದಿಸಿ ಮಾತನಾಡಿ ತಿರುಗಿ ನೋಡದೆ ಹೋಗುವಾಗ ನಾ ನಿನ್ನನ್ನು ಖುಷಿಯಿಂದ ಬಿಳ್ಕೊಟ್ಟು ಕಾಣದಂತೆ ಕಣ್ಣೀರಾಕಿದ್ದು ನಿನಗೆ ನೆನಪಿದೆಯಾ?