ಮುರಿದ ಮನಸ್ಸು : Sad Poetry in Kannada - ಕನ್ನಡ ನೋವಿನ ಕವನ : kannada sad feeling kavana

ಒಡೆಯದ ಕನ್ನಡಿಯಲ್ಲಿ ಮೂಡುವ

ಪರಿಪೂರ್ಣ ಬಿಂಬದಂತೆ,

ನನ್ನ ಮುರಿದ ಮನಸ್ಸಲ್ಲಿ

ನಿನ್ನ ಮರೆಯದ ನೆನಪುಗಳಿವೆ...

ಕನಸ ಕಾಣುವ ಕಂಗಳೆ ಕಂಗಾಲಾಗಿರುವಾಗ

ವಿರಹದ ಮುಳ್ಳುಗಳು ಎದೆಗೆ ಚುಚ್ಚಿವೆ...

ನಿನ್ನನ್ನು ಓಲೈಸುವಲ್ಲಿ ನಾ ಸೋತೆ,

ಪ್ರೀತಿ ಬತ್ತಿ ಆರಿತು ನನ್ನ ಬಾಳ ಹಣತೆ...

ಭೂಮಿ ಮುಕ್ಕಾಲು ಸಾಗರದ ನೀರಿದ್ದರೂ

ಕೈ ಬೊಗಸೆ ತಿಳಿ ನೀರು ಸಾಕು ಕುಡಿಯಲು,

ಆಗಸದಷ್ಟು ಸಂತಸದ ಕ್ಷಣಗಳಿದ್ದರೂ

ನೀನಿಲ್ಲದ ಒಂದು ಕ್ಷಣ ಸಾಕು ನಾ ಕಣ್ಣೀರಿಡಲು...

ಸಂತೈಸುವ ಸಾವಿರಾರು ಹೃದಯಗಳಿದ್ದರೂ

ಪ್ರೀತಿಸುವ ಹೃದಯವಿಲ್ಲದೇ ಆಗಲ್ಲ ಬದುಕಲು,

ಜಗವನ್ನೇ ಪ್ರೀತಿಸಿದ ವಿಶಾಲ ಹೃದಯ ನನ್ನದಾದರೂ

ಸಾಲದಾಯಿತೆ ನಿನ್ನನ್ನು ಕೊನೆತನಕ ಪ್ರೀತಿಸಲು..?